Ба гузориши ИКНА ба нақл аз шабакаи Собирин Нюз, рӯзномаи саҳюнистии Маарив гузориш дод, ки дар пайи ҳамлаҳои мушакии Ҷумҳурии Исломии Эрон ба қаламравҳои ишғолшуда, ҳазорон саҳюнист тавассути ниҳодҳои масъули режими саҳюнистӣ ба маконҳои мухталиф, аз ҷумла меҳмонхонаҳо, кӯчонда шудаанд.
Ин рӯзнома ба нақл аз шаҳрдории Тел-Авив гуфтааст: «Мо дар ҳоли баррасии вазъи сохтмонҳои осебдида аз мушакҳои эронӣ ҳастем, то муайян кунем кадомашон бояд тахриб шаванд.»
Маарив илова кард: «Ҳамлаҳои мушакии Эрон ба Тел-Авив боиси он шуд, ки мақомоти Исроил — ба далели хисорот ба манзилҳо — садҳо хонаводаро ба меҳмонхонаҳо мунтақил кунанд.»
Ба навиштаи расонаҳо, исроилиҳо акнун мисли мардуми Ғазза овора шудаанд — ки нишондиҳандаи таъсири равонӣ ва иҷтимоии ҳамлаҳои Эрон аст.
Субҳи имрӯз низ, Ҷумҳурии Исломии Эрон дар вокуниш ба идомаи таҷовузҳо ва бадкории режими саҳюнистӣ, мавҷи ҷадиди ҳамлаҳои мушакии худро алайҳи пойгоҳҳо ва нуқтаҳои муҳими саҳюнистҳо роҳандозӣ кард.
Манобеи ибронӣ гузориш доданд, ки танҳо дар 20 дақиқа, 30 мушак ба самти сарзаминҳои ишғолшуда партоб шудааст.
342/
Your Comment